Gyda’r ap poblogaidd yn ehangu ei apêl drwy’r amser, rydym yn deall bod lluniau Instagram da yn hollbwysig ar unrhyw daith. Gyda hynny mewn cof, rydym wedi casglu rhestr o 10 o lefydd yn yr ardal fyddai’n berffaith ar gyfer eich cyfrif Instagram. Mae’r holl leoliadau hyn i gyd o fewn pellter hwylus i’n gwesty yn Eryri, ac felly, mewn lle ddelfrydol i archwilio’r rhanbarth.
Betws Y Coed
Yn enwog fel porth i Eryri, mae Betws y Coed yn bentref twristaidd hynod adnabyddus a phoblogaidd sydd wedi’i gadw’n naturiol. Y lle enwocaf yn y pentref yw’r rhaeadr sy’n llifo drwy ganol y pentref.
Copa’r Wyddfa
Pan fyddwch yn wynebu’r sialens hir a heriol o ddringo’r Wyddfa, cewch eich gwobrwyo â golygfa eithriadol o gopa gogoneddus y mynydd.
Pentref Portmeirion
Ar ôl camu i’r pentref hwn, byddwch wedi anghofio mai yng Nghymru rydych chi, ond yn hytrach, eich bod wedi dianc i Fôr y Canoldir. Mae’r pentref cyfan wedi’i gynllunio ar ffurf pentref Eidalaidd.
Castell Caernarfon
Adeiladwyd y castell mawreddog hwn flynyddoedd lawer yn ôl ac mae’n dal i sefyll fel un o strwythurau canoloesol mwyaf trawiadol y DU. Oherwydd ei fod yn strwythur monolithig mor enfawr, gallwch ei weld o bobman yn yr ardal gyfagos, yn ogystal â thu mewn i’r castell wrth gwrs. Mae Cadw, y corff sy’n gyfrifol am y castell, yn codi ffi mynediad.
Gerddi Bodnant
Mae’n bleser pur ymweld â’r gerddi drwy gydol y flwyddyn, gan fod pob un o’r pedwar tymor yn dod â’i harddwch arbennig ei hun. Yn y gwanwyn, gallwch weld y blodau’n blaguro, mwynhau pelydrau’r haul euraidd a’r planhigion bywiog gwyrdd yn yr haf, cochni’r dail yn yr hydref a gogoniant go iawn y gaeaf.
Conwy
Bant â ni! Dyma dref arall sydd â chastell canoloesol anhygoel. Mae’r castell hwn wedi’i leoli wrth ymyl aber yr afon Conwy.
Dyffryn Ogwen
Ar waelod mynydd creigiog Tryfan, mae Dyffryn Ogwen, sy’n gartref i lyn gwych Ogwen a golygfeydd godidog ar hyd y dyffryn.
Tryfan
Mae’r cawr caregog hwn yn gartref i rai o’r lleoliadau a’r golygfeydd mwyaf anhygoel yng Ngogledd Cymru ar gyfer eich cyfrif Instagram. Ar y copa, ceir dwy garreg fawr o’r enw Adda ac Efa.
Cwm Idwal
Wel, dyna i chi olygfa! Mae siâp naturiol y dyffryn 3 ochr hwn eisoes yn ddigon trawiadol, ond o gyfuno ychydig o eira a rhywfaint o niwl isel, mae’r olygfa gyda’r orau yn y byd.
Llyn Padarn
Mae Llyn Padarn yn Llanberis yn atyniad enwog, yn bennaf oherwydd ei fod union wrth ymyl un o unig gestyll Tywysogion Cymru sydd ar ôl. Dyma un o hoff olygfeydd ffotograffwyr yn ardal Eryri.
